कसे क्षणांना उमजत नाही !

कसे क्षणांना उमजत नाही, पळता पळता पाठोपाठ !
आला, गेला, सरला, नुरला, घडा जीवाचा काठोकाठ !!

कधी अचानक डोळा येते दाटून कुठली जुनी आठवण !
मिळता क्षणभर उसंत, द्यावी थेंबांना डोळ्यातून वाट !!

जरा आगळे मनाजोगते जगण्याचीही अभिलाषा उत्कट !
सुखासीन सारे हवे वाटता, कष्टाचीही चोखाळावी वाट !!

जरा काळजी, अगत्य थोडे कधी चौकशी माहित नाही !
किती द्यायचे- किती घ्यायचे असली गणिते तोंडपाठ !!

- रोहित ऊर्फ दुष्यंत